Пятница, 29 мартаРеспублика Саха (Якутия), Намский улус >
Shadow

Литература

Төрүт түөлбэм – Кыһыл Сыырым
 
Хомоҕой тыллаах тус хоһооммун
Холобурдаан эһиэхэ ыытабын,
Хорсун-хоодуот үлэһит дьоммун
Хото-туойа мин ыллыыбын!
 
Бу мин Хомустааҕым,
Төрөөбүт түөлбэм – Кыһыл-Сыырым!
 
Дьоллоох оҕо сааһым ычата
Дьоһун ыалтан тирэнэн салҕанар,
Үүнэр-сайдар эдэр ыччата
Үрдүк үөрэх суолун батыһар.
 
Бу мин Хомустааҕым,
Төрөөбүт түөлбэм – Кыһыл-Сыырым!
 
Хойуу оттоох ходуһатыгар
Хочо муҥунан элбэх сүөһүлээх,
Толору туолбут нал уутугар
Тото уулуур сыспай сиэллээх.
 
Бу мин Хомустааҕым,
Төрөөбүт түөлбэм – Кыһыл-Сыырым!
 
Арҕаа мыраан диэки субуллар
Аныгы дьиэ арааһа тутуллар,
Салгыы сайдар үтүө кэскиллээх –
Сырдыкка,кэрэҕэ ил эйэлээх.
 
Бу мин Хомустааҕым,
Төрөөбүт түөлбэм – Кыһыл-Сыырым!
 
Онтуон

Төрөөбүт сиргит доҋдугут
Эһигини кэтэһэр
Төннөн кэлэр кэмҥитин
Эрэнэн күүтэр куруук кэтиир


Доҋдуҥ суохтуур ыҥырар
Дьоһун ыалдьыт эн буолууҋ
Ахтар саныыр алааскар
Айанын суолун эн тутууҋ.


Таптыыр, ытыктыыр бэлиэҕин
Кэһии гыммыт оҕуруоҕун
Төлө тардаар эн суолгар
Киирэр ааҥҥар үрэххэр


Астаан аҕалбыт алаадьыгын
Арыылааҥҥын аҋах тутаар
Аҋыыларгын амчылаан
Ааҥҥын аһан дьэ киирээр
Эбэ күөлүн эйиэхэ 
Эмиэ мичээр бэлэхтиэ
Көмүс буолар долгунунан
Көрсүө күлүм аллаҋыа


Сөрүүн сүөгэй салгына
Сүүскүн бигээн ааһыаҕа
Сиккиэр тыала иэдэскэр
Сигэнээхтээн ылыаҕа


Ахтылҕанын бэлиэтин
Арылыҋа сырдыаҕа
Ача күөҕэ суугунуу
Астыныаҕа үөрүөҕэ.


Ахтылҕаҥҥын аһара
Алаастаргар ааһаарыыҋ
Өтөхчөөҥҥөр тиҋэҥҥин
Өттүгэстээн ылаарыыҋ
Оҕо сааскын санааҥҥын
Оһуохаҋдаан ылыаҕыҥ
Эдэр сааскар түһэҥҥин
Эһиэкэҋдээн барыаҕыҥ


Уҋулҕаҕын хамсатан
Удьуордаргын саныаҕыҥ
Хаһан эрэ ааспыты
Хараастаҥҥын хатылыаҥ.


Күүстэ-уохта ылынан
Көтөөр күүппүт дьонноргор
Алгыы хаалыа алааһын
Ахтылҕанын таһааран.


Долгууна.     Күүкэй
                       Сунтаар