Муус устар 4-5 күннэригэр Хомустаах Бастакы нэһилиэгэр Саха сирин тыа сирин нэһилиэктэрин икки ардыларыгар волейбол турнира үрдүк таһымҥа ыытылынна. Күрэх Иван уонна Александр Федоровтар кэриэстэригэр барда.
Турнир 16 хамаандаттан ( Нам улууһун Түбэтиттэн, Ленскэйиттэн, Хамаҕаттатыттан, Үөдэйиттэн, Бастакы Хомустааҕыттан, Көбөкөнүттэн, Хатыҥ Арыытыттан, Партизаныттан, Намнааҕы педколледжтан, Хаҥалас улууһуттан Улахан-Аан, Сиинэ уонна Булгунньахтаах, Амма улууһуттан Алтан уонна Сулҕаччы, Таатта улууһуттан Кыйы нэһилиэктэрин хамаандалара, ону сэргэ Иван уонна Александр Федоровтар табаарыстарын хамаандалара) 150 спортсмены түмэ тарта.
Күрэх Бүтүн Россиятааҕы волейбол Федерациятын быраабылаларынан барда.
Түмүктэр маннык буоллулар:
1 миэстэ — Иван уонна Александр Федоровтар табаарыстарын хамаандалара (Нам),
2 миэстэ — Амма улууһун Сулҕаччы нэһилиэгин хамаандата,
3 миэстэ — Нам улууһун Хамаҕатта нэһилиэгин хамаандата.
Кыайыылаах хамаанда көһө сылдьар Куубагынан уонна 50 тыһ. солк. , II миэстэ иһин – 30 тыһ. солк., III миэстэ иһин — 20 тыһ. солк. харчынан наҕараадаланнылар. Чулууттан чулуу оонньууну көрдөрбүттэр анал ааттарынан бэлиэтэннилэр уонна сыаналаах бириистэри бэлэх туттулар.
Турнир үрдүк таһымнаахтык барарыгар спонсордар көмөлөрө улахан.
Ол курдук,
Федоровтар, Константиновтар, Л. Куличенко, Р. Федорова, Дмитриевтэр — 50 тыһ. солк. харчыны 1-кы миэстэ буолбут Нам улууһуттан Александр уонна Иван табаарыстарын хамаандатыгар,
Хомустаах Бастакы нэһилиэгин волейбол кулууба 30 тыһ. солк. харчыны 2-с миэстэни ылбыт Амма улууһун Сулҕаччы нэһилиэгин хамаандатыгар,
Хомустаах Бастакы нэһилиэгин оскуолатын 2006 сыллаах выпустара 20 тыһ. солк. харчыны 3-с миэстэни ылбыт Хамаҕатта нэһилиэгин хамаандатыгар,
Хомустаах Бастакы нэһилиэгин оскуолатын 1984 сыллаах выпустара 20 тыһ. солк. харчыны «Лучший игрок» анал аакка тиксибит Григорьев Андриаҥҥа (табаарыстар хамаандата),
Яковлев Трофим Дмитриевич туруорбут 25 тыһ. солк. «Лучший связующий» анал ааты ылбыт Христофоров Айсеҥҥа (Амма Сулҕаччыта),
Прокопьев Станислав Карлович, Охлопков Константин Афанасьевич туруорбут 20 тыһ. солк. «Лучший защитник» анал аакка тиксибит Осетров Денискэ (Нам Хамаҕаттата),
Леонид уонна Раиса Федоровтар анаабыт 10 тыһ. солк. «Зрительская симпатия» анал аатынан бэлиэтэммит Варламов Иннокентийга (Амма Сулҕаччыта),
Нам улууһун бэтэрээн волейболистарын туруорбут 10 тыһ. солк. харчылара «Бэтэрээн оонньооччу» анал ааты ылбыт Обутов Павел (Бастакы Хомустаах),
10 тыһ. солк. Павлов Геннадий (Хамаҕатта) тигистэ.
Прибылых А., Ядреев А., Куличенко А. туруорбут 20 тыһ. солк. харч. «Перспективный игрок» анал ааты ылары ситиспит Жерготов Айталга (Иван уонна Александр Федоровтар табаарыстарын хамаандалара),
Александр Федоров однокурсниктара туруорбут 20 тыһ. солк. харч. «Лучший нападающий» анал ааты ылбыт Бочуров Никита (Нам Көбөкөнө),
Яковлев Иван Дмитриевич туруорбут аэрогрилэ «Лучший диагональный» ааты сүкпүт Кириллин Айталга (Иван уонна Александр Федоровтар табаарыстарын хамаандалара) тигистэ.
Иван Федоров однокурсниктара туруорбут 10 тыһ. солк. харч. — «Лучший доигровщик» анал аат иҥэриллибит Федоров Дмитрийгэ (Хамаҕатта),
Федоровтар дьиэ кэргэттэрэ 10 тыһ. солк. харч «Перспективный игрок» анал ааты ылбыт Колесов Антоҥҥа (Бастакы Хомустаах),
Софронов Антон Михайлович 5 тыһ. солк. харчынан бирииһи «Перспективный игрок» анал ааты ылбыт Жерготов Айталга (Иван уонна Александр Федоровтар табаарыстарын хамаандалара) анаатылар.
Ону таһынан көрөөччүлэргэ уонна күрэхтэһээччилэргэ анаан Заболоцкай Михаил Семенович «Бросок в корзину» күрэҕи тэрийэн ыытта. Манна кыайыылааҕынан Лукавин Мичил тахсан 10 тыһ. солк. бирииһинэн наҕараадаланна,
Охлопков Афанасий Егорович туруорбут бирииһигэр (ДНС сертификат) волейбол мээчигин таба охсуу күрэҕэр Алтан Афанасьев уонна Айтал Жерготов хамаандалара кыайыылааҕынан таҕыстылар.
Тэрийээччилэр турнир күрэстэһиилээхтик, үрдүк таһымнаахтык барарыгар күүс-көмө, өйөбүл буолбут бары спонсордарга барҕа махталларын тиэрдэллэр. Өссө да инникитин волейбол сайдыытыгар кылааккытын киллэрэ туруҥ диэн баҕа санааларын тиэрдэллэр, үлэҕитигэр ситиһиилэри, тус олоххутугар дьолу-соргуну баҕараллар.
Ону сэргэ турниры иилээн-саҕалаан ыыппыт дьон хамаандалар бары да кыайардыы сананан кэлэн бэрт сытыы, ыһыылаах-хаһыылаах киирсиилэри көрдөрбүттэрин, бары сылдьыбыт, көрбүт дьон туох да астынан, хамаандалар киирсиилэрин сөбүлээн, хайҕаан тарҕаспыттарын бэлиэтииллэр. Турнир үрдүк таһымҥа ааспыта, дьон-сэргэ көхтөөх кыттыыта, күүс-көмө буолуута – бу барыта Иван уонна Александр Федоровтар сырдык, үтүө дьон буолалларын туоһута.
“Нам улууһа” МО пресс-сулууспата
