Понедельник, 20 маяРеспублика Саха (Якутия), Намский улус >
Shadow

«Хаарбах уонна саахалланар туруктаах дьиэттэн дьону көһөрүү» программа

Нам улууһугар Бастакы Хомустаах нэһилиэгэ «Хаарбах уонна саахалланар туруктаах дьиэттэн дьону көһөрүү» программаҕа кыттыыга биир бастыҥ көрдөрүүлээх нэһилиэк буолар. Ол курдук, бүгүн, сэтинньи 10 күнүгэр, элбэх квартиралаах дьиэ үөрүүлээх аһыллыыта буолла.

12 нүөмэрдээх ВЛКСМ 50 сыла уулуссаҕа 6 квартиралаах, уопсайа 422,70 кв.м иэннээх, икки мэндиэмэннээх саҥа таас дьиэни Иван Тимофеев генеральнай директордаах «Восток Капитал» ХЭТ тутан үлэҕэ киллэрдэ. Бу дьиэ бастакы сыбаайата бу сыл олунньутугар түспүтэ уонна билигин номнуо бэлэм буолан хаһаайыттарын күүтэр.

Үөрүүлээх тэрээһин алгысчыт сиэри-туому толоруутунан саҕаланна. Аалай лиэнтэни улуус баһылыга Юрий Слепцов, Бастакы Хомустаах баһылыга Василий Жирков, хомустаахтар бэйэлэрин уоллара, «Восток Капитал» ХЭТ генеральнай директорын солбуйааччы Георгий Алексеев уонна саҥа дьиэ хаһаайына Николай Соловьев быстылар.
⬇️