Понедельник, 20 маяРеспублика Саха (Якутия), Намский улус >
Shadow

БАСТАКЫ ХОМУСТААХХА САҤА ДЬИЭ СЫБААЙАТА ТҮСТЭ

Бүгүн, олунньу 17 күнүгэр, «Хаарбах уонна саахалланар туруктаах дьиэттэн дьону көһөрүү» программанан Бастакы Хомустаахха 6 квартиралаах, уопсайа 422,70 кв.м иэннээх, икки мэндиэмэннээх таас дьиэ бастакы сыбаайатын түһэрии үөрүүлээх тэрээһинэ ыытылынна. 12 нүөмэрдээх ВЛКСМ 50 сыла уулуссаҕа бу сыл үһүс кыбаарталыгар 422,70 кв.м иэннээх саҥа дьиэ дьэндэйиэҕэ. Үлэни бастакы хомустаахтар бэйэлэрин уоллара, «Восток Капитал» ХЭТ генеральнай директорын солбуйааччы Георгий Алексеев сүрүннүөҕэ.

Тэрээһин алгысчыт сиэри-туому толоруутунан саҕаланна. Эҕэрдэ тыллары эттилэр: улуус баһылыгын бастакы солбуйааччы Анатолий Павлов, Хомустаах Бастакы нэһилиэгин баһылыга Василий Жирков, улуустааҕы капитальнай тутуу уонна архитектура управлениетын салайааччы Петр Эверстов, «Восток Капитал» ХЭТ генеральнай директорын солбуйааччы Георгий Алексеев уонна күһүн киириэхтээх саҥа дьиэ хаһаайката Татьяна Филиппова.

«Хомустаах Бастакы нэһилиэгэ» МТ баһылыга Василий Жирков
Георгий Алексеев, «Восток Капитал» ХЭТ генеральнай директорын солбуйааччы