Понедельник, 6 февраляРеспублика Саха (Якутия), Намский улус >
Shadow

1 ХОМУСТААХХА САҤА ОҔО САЙДАР КИИНЭ ҮӨРҮҮЛЭЭХТИК АҺЫЛЫННА

Ахсынньы 9 күнүгэр 1 Хомустаах нэһилиэгэр 75 миэстэлээх «Улыбка» оҕо сайдар киинин саҥа дьиэтэ кырачааннарга аанын тэлэччи арыйда.
Үүммүт үтүө күнү көрсө, нэһилиэк олохтоохторо, ытык-мааны ыалдьыттара тоҕуоруһа муһуннулар.
Тутуу хайдах барбытын билиһиннэрэр буоллахха, былырыын баччаларга, ахсынньыга, бастакы сыбаайа түһэн үлэ саҕаламмыта.
Тутууну Иван Петрович Тимофеев ген. директордаах “Восток-Капитал” ХЭТ уонна хомустаахтар биир дойдулаахтара Георгий Дмитриевич Алексеев ыыттылар.

Аалай кыһыл лиэнтэни ытыс дохсун тыаһынан үөрүүлээх быһыыга-майгыга быстылар:
– СР Үөрэҕин уонна наукатын министрин солбуйааччы Владимир Иванович Тихонов,
– “Нам улууһа” МТ баһылыгын солбуйааччы Мария Семеновна Игнатьева,
– «Хомустаах Бастакы” нэһилиэгэ МТ баһылыга Василий Гаврильевич Жирков,
– “Восток-капитал” ХЭТ ген. директора Иван Петрович Тимофеев
– уонна “Улыбка” оҕо сайдар киинин сэбиэдиссэйэ Ньургуйаана Михайловна Баишева.