Понедельник, 6 февраляРеспублика Саха (Якутия), Намский улус >
Shadow

1 Хомустаах оскуолатын дириэктэрэ көдьүүстээх салайааччынан ааттанна

Нам улууһун 1 Хомустаах Д.Ф. Алексеев аатынан орто оскуолатын дириэктэрэ Ульяна Атласова уонна дириэктэри үөрэх чааһыгар солбуйааччы Татьяна Стручкова Санкт-Петербург куоракка ыытыллыбыт Бүтүн Арассыыйатааҕы куонкуруска ситиһиилээхтик кытыннылар.

Биһиги сэтинньи 24-27 күннэригэр Санкт-Петербурга «Парадигма инновационной системы образования: будущее рождается сегодня» диэн алтыс төгүлүн ыытыллар Бүтүн Арассыыйатааҕы кэмпириэнсийэҕэ кытынныбыт.

Бу кэмпириэнсийэ чэрчитинэн, «Образовательная организация XXI века. Лига лидеров-2022» куонкурус ыытылынна.
Куонкуруска оскуолабыт иһинэн үлэлиир “ХомуStars” диэн учууталлар кулууптара оҥорбут «Эффективные формы повышения квалификации педагогов в условиях МБОУ «1 Хомустахская СОШ им. Д.Ф. Алексеева» методическэй үлэтин кэпсээтибит.
Күрэх түмүгүнэн биһиги «Лидер в области внедрения инновационных технологий» номинацияҕа лауреат аатын ыллыбыт.
Үөрэх уонна инновация киинин директора Владимир Заважин оскуола дириэктэрэ Ульяна Павловнаҕа «Эффективный руководитель» диэн түөскэ кэтиллэр бэлиэни туттарда, – диэн дириэктэри үөрэх чааһыгар солбуйааччы Татьяна Петровна билиһиннэрдэ.

📸
Татьяна Стручкова