Вторник, 29 ноябряРеспублика Саха (Якутия), Намский улус >
Shadow

Нам улууһугар Олоҥхо декадата 1 Хомустаах нэһилиэгиттэн саҕаланна

Олоҥхо театрын иһинэн үлэлиир «Эрэл» үҥкүү норуодунай театра «Кыталык Куо» (реж. Екатерина Толбонова) диэн оҕолорго аналлаах үҥкүүнэн спектаклы бүгүн 1 Хомустаахха «Алгыс» норуот айымньытын киинигэр көрдөрдүлэр.

Сэтинньи 25 күнүттэн — ахсынньы 5 күнүгэр диэри Саха республикатыгар Олоҥхо декадата биллэриллэн улууспутугар араас таһымнаах тэрээһиннэр былааннаналлар.

Олоҥхо декадатын кэмигэр хомустаахтар «Эпосы народов России» фестиваль чэрчитинэн «Алгыс» НАК, «Эйгэ» аныгы көлүөнэ библиотекатын уонна оҕо искусствотын оскуолатын коллектива тэрийиилэринэн, «Олоҥхо — норуот биһигэ» диэн эпос-туруоруохтара, «Олоҥхо оҕо хараҕынан» уруһуй, декоративнай-прикладной искусство быыстапкалара тэриллиэҕэ, «Олоҥхо дьоруойдара» диэн маастар-кылаас ыытыахтара, «Алгыс» НАК официальнай сайтыгар куйаар ситимин нөҥүө «Олоҥхо алыптаах дойдута» викторина ыйытыктара тахсыаҕа.

Олоҥхо саха норуотугар олус сүдү айымньы буолар. Тыл сүөгэйэ-сүмэтэ барыта олоҥхоҕо баар диэн мээнэҕэ эппэттэр. Онон балаҕаҥҥа нэһилиэк түс дьоно –

баһылык, нэһилиэк депутаттара кыттыылаах «Сүр көтөҕүү алгыһа» тэриллэн алгыстаныахтара. «14 Граций Айыы Куо» диэн кыргыттарга аналлаах конкурс буолуоҕа.

Ахсынньы 1 күнүгэр

“Саха” НКИХ ыыппыт “Олоҥхо – батл” күрэс кыттыылааҕа, республикатааҕы Олоҥхо күрэхтэрин кыайыылааҕа Вера Цыпандина

олоҥхолуурун

истиэхтэрэ.

Подробнее: https://xn--h1aaigu4ed.xn--p1ai/article/79574