Вторник, 29 ноябряРеспублика Саха (Якутия), Намский улус >
Shadow

Саха АССР төрүттэммитэ 100 сылыгар, Саха сирин судаарыстыбаннай суверенитетын күнүгэр аналлаах тэрээhин

Бүгүн, балаҕан ыйын 27 күнүгэр Д.Ф. Алексеев аатын сугэр БастакыХомустаах орто оскуолата Саха АССР төрүттэммитэ 100 сылыгар, Саха сирин судаарыстыбаннай суверенитетын күнүгэр аналлаах тэрээhин буолан ааста.

Бу тэрээhиҥҥэ ыҥырыылаах ыалдьытынан буоллулар оскуолабыт 1982 сыллаах выпусниктара – Тыа хаһаайыстыбатын министиэристибэтэтин министирэ А.П. Атласов
“Хомустаах Бастакы” МТ нэhилиэк баhылыга В Г. Жирков.

Бүгүҥҥү ураты күҥҥэ оскуола тэрээһинин торжественнай линейка аста, Саха өрөспүүбүлүкэтин былааҕын үөрэх туйгуннара таһааран, мустубут учууталлар, оскуола оҕолоро гимны сүһүөхтэригэр туран ыллаатылар.

Оскуола директора У.П. Атласова бүгүҥҥү үөрүүлээх күнүнэн эҕэрдэтин тириэртэ.Ол кэннэ, оскуола оҕолоругар ыҥырыылаах ыалдьыттар Саха сирин историятыттан бэрт интириэhинэйдик кэпсээн сырдаттылар. Маныаха, Саха сирин Тыа хаһаайыстыбатын министиэристибэтэ тэриллибитэ 100 сылыгар анаан тахсыбыт кинигэни А.П. Атласов оскуола библиотекатыгар бэлэх уунна.

Оскуола үрдүкү кылаастарын үөрэнээччилэригэр “Разговор с Министром” -диэн төгүрүк остуол тула олорон “деловой завтрак” барылынан кэпсэтии таҕыста.
Кэпсэтиисэбиэскэй, судаарыстыбаннай уонна партийнай деятель, Сибииргэ Сэбиэскэй былааһы олохтуур иһин охсуһуу кыттыылааҕа М.К. Аммосов, Бастакы Президеммит Михаил Николаевич Ефимов, өрөспүүбүлүкэ сайдыытыгар, норуот тирэхтээх буолуутугар кылаатын,
90-с сылларга Саха өрөспүүбүлүкэтэ төрүттэниитигэр үлэлэспит, СӨ судаарыстыбаннай Суверинитетын, Арассыыйа, өрөспүүбүлүкэ Төрүт Сокуонун оҥорсубут, өрөспүүбүлүкэҕэ Ил Түмэни тэрийсибит Егор Михайлович Ларионов тула кэпсэтистилэр.

Бу Сахабыт сирин чулуу уолаттара дойдуларыгар,норуоттарыгар бэриниилээх буолан, ол туhугар бэйэлэрин кэрэйбэккэ үлэлээбиттэрин сырдаттылар.

Лидер диэн кимий? кини оруола,туох хаачыстыбалаах буолара, норуоту кытта сибээhэ быhаарылынна.Эдэр учууталлар уонна ыалдьыттар ирэ-хоро санаа атастастылар,боппуруос биэрдилэр

Билигин нэhилиэкпитигэр эрэ буолбакка, бүтүн дойду үрдүнэн буола турар ыарахан кэмҥэ, эр киhи, аҕа, уол оруола ,кини дойдутугар, норуотугар, дьиэ кэргэнигэр бэриниилээх, буолара ирдэниллэрин өйдөөтүү буолла. Маннык көрсүһүүлэр өссө да буолалларыгар биллэрдилэр.

Эдэр учуутал А.И.Кейментинов бэйэтин көрүүлэрин эттэ,оччотооҕу, билиҥҥи кэми ыраҥалаан,анализтаан кэпсэттэ. Оскуола Президенэ Валера Сивцев билиҥҥи олоххо оҕоҕо үөрэнэригэр,сайдарыгар условия үчүгэйин этиннэ.