Пятница, 7 октябряРеспублика Саха (Якутия), Намский улус >
Shadow

Ысыах 2022

Бэс ыйын 12 күнүгэр Россия норуоттарын култуураларын нэһилиэстибэтин сылыгар, СР Ийэ сылыгар, Нам улууһугар государственнай, политическай деятель М.К. Аммосов төрөөбүтэ 125 сылыгар, нэһилиэкпитигэр Үөрэҕирии 135 сылыгар, Саха АССР  төрүттэммитэ  100 сылыгар аналлаах  Үрүҥ Тунах Ыһыах   ыытылынна.
Ыһыах  Аан Аартыкка  ыалдьыттары  көрсүүттэн саҕаланна, хорчуоппа,  атыы – эргиэн дьаарбаҥката көхтөөхтүк ыытылынна.  
Ыһыах  аһыллыытын  сиэрэ- туома баһылык Жирков В.Г. салалталаах тэрилтэ салайааччылара, нэһилиэк депутаттара, түөлбэ олохтоохторо кыттыылаах парадтан саҕаланна.
Биэс түөлбэ быйылгы сыл бэлиэлэрин илиинэн тигэн парадка тутан киириилэрэ дьоһуннаахтык көһүннэ. Саргылаах Ыһыах Ытык Алгыһын СР Культуратын туйгуна Петр Охлопков түһэрдэ. 
Ыһыах мэҥэ бэлиэтэ  Ытык Дуоҕа олохтоноотун кытта Саха  АССР төрүттэммитэ 100 сылынан «Күргүөмүнэн Оһуор үҥкүүтэ» тэрилиннэ,  Добун Оһуохай түһүлгэтэ үгүс дьону түмэ тарта. 
Киин түһүлгэҕэЫһыах үөрүүлээх чааһыгар үлэни өрө туппут үтүөкэн дьоммутугар, ытык мааны ветераннарбытыгар эҕэрдэ суруктар, махтал тыллаах бэлэхтэр туттарылыннылар,  «Сахам Сирэ  үйэттэн-үйэ5э эн киэркэй !”  уус – уран самодеятельность кыттыылаах э5эрдэ кэнсиэр тэрилиннэ.
Эстрада сулустара Айгылаан, Анатолий Горохов, Вероника Степанова Ыһыаҕынан  э5эрдэ  кэнсиэри бэлэхтээтилэр.  
Саха балаҕанын  түһүлгэтигэр “Ойор мэник оҕо саас”   оҕолорго күрэхтэри  “Сайдыы” ОАДь, “Эйгэ”сана көлүөнэ библиотеката тэрийэн ыыттылар, ону тэҥэ “Мас игра” Кэскил Прудецкай мастерскойа үлэлээтэ.   
“Быһый атах»  оҕолорго сүүрүү  күрэҕэ, улахан дьонҥо, оҕолорго ХАПСАҔАЙ  түһүлгэтэ, эр дьонҥо МАС- РЕСТЛИНГ күрэхтэрэ ыытыллан түмүккэ  күүстээхтэр,  быһыйдар, сымсалар ааттара ааттанна.  
«Олоҥхо дойдутун талба-мааны таҥаһа» сахалыы таҥас күрэҕэр кэрэ аҥардарга Лаврентьева Т.Ф., оҕолорго Сандаара Петрова, дьиэ кэргэнҥэ Свинобоевтар  кыайыылааҕынан таҕыстылар.“Толбоннурар уһун суһуох”  оҕолорго күрэххэ Попова  Саша кыайыылааҕынан ааттанна.  
«Үрүҥ Тунах Ыһыаҕынан!” сүүйүүлээх  оонньууга  сурун бириистэри  Аргунова С.Э., Васильев С.В., Гореев И. Г. туттулар.

Үрүҥ тунах Ыһыахпытыгар биир дойдулаахтарбыт спонсордаабыттара хайҕаллаах дьыала, ол курдук барҕа махталбытын биллэрэбит спорт курэхтэригэр спонсордаабыт ООО “Прогресс” (сал.Пинигин А.С.), ООО “Восток Капитал” ( сал.Алексеев Г.Д.), ООО ОСА (сал.Попов И.Г.), саха танаһын күрэҕэр       биир дойдулаахпыт-  иистэнньэҥ,  СР культуратын туйгуна, маастар – педагог, СР уонна РФ художниктарын союһун чилиэнэ,  «Деревня мастеров”  туристко- реакреационнай кластер директора Я. П. Ядреева -Намыйа Хотой, чааһынай предприниматель Е.С. Кривошапкин,  “LUCAS”   мастерской   “ИП Вознесенский Лука Викторович”,  “Уус кыһата” түмсүү (сал. норуот маастара М.А. Баишев).
Тэрээһин ыытылларыгар  күүс -көмө буолбут бар  дьоммутугар, чуолаан “Сайдыы” ОАДь, “Эйгэ”саҥа көлүөнэ библиотекатыгар, “Алгыстаах уу” ( (сал. Алексеев Ф.Д.), МПЧ -4 ( сал. Охлопков А.А.), МАУ АРТ (  сал. Баишев Р.С),  “Күнчээн” үҥкүү коллективыгар ( сал. Мохова Т.С.), уус -уран самодеятельность кыттыылаахтарыгар, түөлбэ салайааччыларыгар истиҥ махталбытын олохтоох дьаһалта,  “Алгыс” НАК аатыттан биллэрэбит.  
Ыһыахпыт  хас биирдиибит сүрэҕин үтүөнэн, тапталынан, үөрүүнэн угуттаатын!

Фотохроника

Источник материала: МБУ ЦНТ “Алгыс” с. Кысыл- Сыр, Намского улуса (algys1homustah.blogspot.com)