Вторник, 27 сентябряРеспублика Саха (Якутия), Намский улус >
Shadow

Нэhилиэкпит “Эр Сомоҕо” түмсүү тэрээhинэ

Муус устар 21 күнүгэр нэhилиэкпит “Эр Сомоҕо” түмсүү салалтата, сыллаагы тэрээhиннэрбит былаанынан.,оскуола саастаах оҕолорбутун мас кэрдиитин көрдөрө уонна үөрэтэ таарыйа, 7-10 кылаас, 19 баҕалаах уолаттары илдьэ тыаҕа таҕыстыбыт. Салайааччынан, технология учуутала Соловьев Владимир Алексеевич сырытта.

Ол курдук, субуотунньукка кытыннылар “Эр Сомоҕо” бэрэссэдээтэлэ Александр Александрович Захаров, массыынанан хааччыйдылар Олег Васильевич Алексеев, Гаврил Германович Алексеев, Александр Гаврильевич Прибылых, Семен Русланович Баишев,. Улыбка детсаттан Иван Гореев, МАУ АРТ Руслан Семенович Баишев, Юрий Иванович Муксунов, Станислав Валерьевич Васильев уонна нэhилиэк депутаттарыттан бэйэм буолан, уопсайа 250 тахса сиэрдийэ кэрдэн саа һылаан бэлэмнээтибит.

Улэ кэннэ Александр Прибылых буһарбыт миинин айылҕаҕа оҕолор тото- хана истилэр, астыннылар. Бу иннинэ 170 тахса тонкамер мас охтон түрүлүөпкэлэммитэ. Бэлэмнэммит материал нэһилиэкпит бутэйин абыраҕар, саҥардан оҥорууга былааннанар. Инньэ гынан, бу күн таһаарыылаахтык үлэ күөстүү оргуйда былааннаммыт сыал-сорук ситтэ, оҕолор түөлбэлэрин туһугар патриотическай үөрэх хардыытын оҥордулар. Дойдуларын таптыыр, нэһилиэктэригэр кыһаллар ыччаттары ииттэхпитинэ инникигэ эрэллээх, төрүт өбүгэ үгэһин утумнаан, умнубакка илдьэ сылдьалларыгар улахан суолталаах буолар.

Ю. Николаев