Пятница, 7 октябряРеспублика Саха (Якутия), Намский улус >
Shadow

Нэhилиэкпитигэр кыhыны атаарыы

Муус устар 10 кунугэр, нэhилиэкпитигэр кыhыны атаарыы буолан ааста. Дьон-сэргэ сибиэhэй салгыҥҥа сынньана, курэхтэhиилэри көрө – истэ таарыйа кэлэннэр, бырааhынньыкка көрдөөх кыттыыны ыллылар.
Хорчуопкаhыттар, сылаас ас – үөл атыылаатылар, Түөлбэлэринэн киэргэтиллибит остуолга араас эгэлгэ минньигэс ас астаан, араастаан киэргэтэ кэчигирэппиттэрэ хараҕы сымнатар.
Анастасия Барашкова салайааччылаах скандинавскай бөлөх спортивнай хамсаныылаах флешмоб көрдөрөн сөхтөрдүлэр.
” Көрдөөх эстафета” тыҥааһыннаах киирсиилэрэ хас биирдии көрөөччүнү сэргэхситтэ. Оскуола оҕолоругар анаан туһунан көрдөөх оонньуу тэрийэн ыытаннар, кырачааннар минньигэс бириис тутан үөрүүлэрэ үксээтэ.

Саас кэлиитэ хас биирдии киhиэхэ үөрүүнү уонна өрө көтөҕүүнү аҕалар. Нэһилиэк дьоно маннык мустан тоҕуоруһаллара олохтоохтору сомоҕолуур уонна бэйэ бэйэҕэ үтүө сыhыан үөскүүрүгэр төрүөттүүр.