Четверг, 28 мартаРеспублика Саха (Якутия), Намский улус >
Shadow

Тирии мээчик өрө күөрэйдэ

Кулун тутар 19-20 күннэригэр спорт саалатыгар аһаҕас республиканскай 35 сааһыттан үөһээ саастаах эр дьонҥо волейбол күрэҕэ ыытылла турар. Тэрийээччинэн уонна кылаабынай судьуйанан буолар Радомир Анатольевич Лиханов. Кыттыыны ыла кэллилэр Дьокуускай куораттан икки хамаанда, Мэҥэ- Хаҥаластан, Хаҥаластан икки хамаанда, Уус- Алдантан, Нам улууһуттан икки хамаанда. Күрэх үөрүүлээх аһыллыытыгар нэһилиэк баһылыга Жирков В.Г. , Нам улууһун спорт управлениятын салайааччытын солбуйааччы Софронов С. А., Нам улууһун баһылыгын солбуйааччы, волейбол федерациятын председателэ Николаев Ф.В.  волейбол спордун сэҥээрээччилэргэ эҕэрдэ тылларын анаатылар. Үҥкүүнэн киэргэттэ “Күнчээн”үҥкүү бөлөҕө (сал. Мохова Т.С.), өрө күүрүүлээх ырыаны бэлэх ууннулар эр хоһууннар. Спортсменнарга итии аһылыгы тэрийдэ ” Илгэ  Хотун ” потребкооперация ( Сивцева О.В). Икки күн устата ыытыллар волейбол түһүлгэтэ спорт эйгэтигэр саҥа саҕахтары  саҕыахтын, тирии мээчик өрө күөрэйэн кыайыыга кынаттаатын! 

Источник: МБУ ЦНТ “Алгыс” с. Кысыл- Сыр, Намского улуса : Тирии мээчик өрө күөрэйдэ (algys1homustah.blogspot.com)