Бүгүн, кулун тутар 18 күнүгэр,
Н.М. Рыкунов аатынан улуустааҕы киин библиотекаҕа Дмитрий Федотович Алексеев төрөөбүтэ 85 сылыгар анаммыт, олоҕун, үлэтин-хамнаһын кэпсиир — «Намыгар туһалаах буолаары», кинигэ сүрэхтэниитигэр истиҥ-иһирэх, сылаас көрсүһүү буолан ааста.
Кинигэ автора Российскай Федерация уопсай үөрэхтээhиҥҥэ Бочуоттаах үлэhитэ, Саха Республикатын » Гражданскай килбиэн» бэлиэ хаhаайката Лина Михайловна Полякова кинигэ бастакы чааһыгар Дмитрий Федотович төрүттэриттэн саҕалаан олоҕун кэрчиктэрин уустаан-ураннаан суруйбут, салайааччы быhыытынан улэтин, дьоҥҥо сыhыанын уратылара, аймахтарын, бииргэ үөрэммит доҕотторун, алтыhан үлэлээбит дьонун- сэргэтин ахтыыларынан кинигэ иккис чааhа ситэриллэн бэриллибит. Кинигэ уhус чааhыгар салайбыт улууhа, олорбут нэhилиэгэ, дьиэ кэргэнэ Дмитрий Федотович үтүө аатын үйэтитиигэ ыытар үлэлэрэ сиhилии арыллар.
Автор Лина Михайловна кинигэни суруйарыгар мунньуллубут тирэх докумуоннары уонна ахтыылары оскуола саҕаттан баалларын сөҕөн бэлиэтээтэ.
Ону таhынан уолаттара, Федот, Георгий Алексеевтар аҕалара бииргэ үөрэммит, үлэлээбит дьоннорун, аймахтарын кытта көрүүһүннэрбиттэриттэн кинигэ суолтата улааппытын этиннэ.
Урукку кэмнээх илиинэн суруллубут архыыбынай докумуоннары кэргэнэ Галина Георгиевна комментарийдаах ырытыы, үөрэтии эрэ кэнниттэн кинигэ силигин сиппитин эттэ.
Ыҥырыылаах ыалдьыттар кинигэ туhунан тус санааларын авторга эттилэр,махтаннылар. Оҕолоро Георгий, Федот аҕаларын уйэтитэн уонна халыҥ аймахтарын ессе чугастык ситимнээбиттэрин туhаайан эттилэр.
Нам” совхоз директорынан, улуус бастакы баһылыгынан үлэлээбит, Саха
Республикатын норуотун хаһаайыстыбатын үтүөлээх үлэһитэ, Бочуот знага орден
кавалера, “Үлэ бэтэрээнэ”, Саха Республикатын “Гражданскай килбиэн” бэлиэ кавалера, советскай потребительскай кооперация уонна РСФСР норуотун үөрэҕириитин туйгуна Дмитрий Федотович Алексеев сырдык аата кэлэр көлүөнэҕэ үйэтилиннэҕэ.
Источник: https://t.me/khomystakh1sonynnara