Пятница, 29 мартаРеспублика Саха (Якутия), Намский улус >
Shadow

Нэһилиэктэр сылгыһыттарын күрэҕэ

Бүгүн кулун тутар 16 күнүгэр Нам улууһун Нам селотун ат сүүрдэр ипподромугар нэһилиэк сылгыһыттарын күрэҕэ буолла. Уопсайа, 3 хамаанда күөн көрүстэ -Үөдэй, 1Хомустаах, Модут.

Хомустаах хамаандатыгар Соловьев Авксентий, Соловьев Леонид, Дьячковскай Егор, Николаев Айтал кытыннылар.

Күөн киирсии хас да түһүмэҕинэн тыырыллан барда.

  • ыҥыыры тутан баран 100 м сүүрүү;
  • аты таҥыннарыы;
  • аты миинии уонна эрийэ -буруйа (змейка) мэһэйи ааһыы;
  • сиртэн бэрэмэдэй ылан сүүрдүү;
  • сыарҕа кэтэрдэн баран сүүрдүү;
  • сыарҕаны устан баран аты сүүрдүү;
  • сүүрдэн иһэн тохтоон, хаатыҥканы сиртэн ылыы;
  • хаатыҥканы ат үрдүттэн буочукаҕа быраҕыы.

Тыҥааһыннаах күрэх кэнниттэн бастакы миэстэни Хомустаах хамаандата ылла; иккис -Модут; үһүс-Үөдэй.

Источник >>>