Пятница, 29 мартаРеспублика Саха (Якутия), Намский улус >
Shadow

Нэһилиэк күнэ – Бастакы Хомустаахха

Олунньу 28 күнүгэр   Бастакы Хомустаахха 16 төгүлүн Нэһилиэк күнэ ыытылынна. Хатыламмат, ураты эйгэлээх  тэрээһин бэйэтин тула үгүс дьону- нэһилиэк олохтоохторун, ыалдьыттарын  «Алгыс» НАК түмтэ  тарта. 
       Киирээтин кытта фойе5а  Яна Нюргусова олоӊхотун до5уһуолунан Дойду үрдүнэн биллэриллибит норуоттар култуурунай нэһилиэстибэлэрин  сылынан «Реликвии моей семьи» быыстапка дьахтар сэбиэтэ, «Сайдыы» ОАДь музейын үлэһитэ Н.В. Константинова, «Алгыс» НАК тэрийиилэринэн  турда.
Быыстапка5а   төрөппүттэриттэн, эбээлэриттэн, эһээлэриттэн хаалбыт  күндү малларынан кыттыыны ыллылар: Анна Новгородова, Людмила Кочнева, Мария Константинова, Александра Новгородова, Нюргуяна Ощепкова,  Валентина Баишева, Тамара Малышева, Надежда Константинова, Раиса Федотова, Анастасия Новгородова, Елизавета Николаева, Айталина Рожина .   

Маны сэргэ  «Эйгэ» сана көлүөнэ библиотеката кинигэ быыстапкатын тэрийдэ, оскуола иһинэн үлэлиир бизнес инкубатор атыы- эргиэн дьаарбаӊкатын тэрийдэ.      
Үөрүүлээх чаас  ааспыт сылга ыытыллыбыт үлэни, ситиһиини кэпсиир ис хоһоонноох  видео оччуоттан  са5аланна, нэһилиэк  күнүн   э5эрдэ тылынан баһылык Жирков В.Г э5эрдэ тылынан аста. 

Салгыы ааспыт сыл түмүгүнэн бастыӊ үлэһиттэри, биирдиилээн ситиһиилээх дьоммутун бэлиэтээн нэһилиэк, улуус, республика на5араадалара туттарыллыннылар. 
Урукку кэмӊэ бэриниилээхтик үлэлээбит тумус туттар дьоммут ааттарын үйэтитэн үтүө үгэскэ кубулуйбут дьиэ кэргэттэр ааттарыттан  стипендиялар  ананнылар.
Сылын ахсын бастыӊтан бастыӊнары бэлиэтиир  сулустаах чааска 9  анал аат туттарылынна, ол курдук  “Бастыҥ үөрэнээччи-2021” Стручкова Аэлита Константиновна – Д.Ф. Алексеев аатынан 1 Хомустаах орто оскуолатын 11 кылааһын туйгун үөрэнээччитэ, «Бастыҥ устудьуон»-2021 Рязанская Милена Романовна А. Д. Макарова аат.Дьокуускайдааҕы культура уонна искусство колледжын төрүт культура салаатын 3 курсун устудьуона, “Бастыҥ общественнай түмсүү-2021” “Эр сомоҕо” түмсүү, сал. Захаров Александр Александрович, “Бастыҥ тэрилтэ-2021”«Аартык» атыы – эргиэн киинэ- салайааччы Шарапов Гаврил Гаврильевич, “Быйаҥ-2021”  Сивцев Николай Васильевич, «Хара уу» сылгы базатын сылгыһыта, “Бастыҥ ааҕааччы-2021” Николаева Светлана Игнатьевна «Мичийээнэ» оҕо уһуйаанын иитээччи көмөлөһөөччүтэ, “Бастыҥ спортсмен-2021” М.К. Аммосов аатынан ХИФУ ИТФ 3 курсун устудьуона, Саха Республикатын «Заря» профессиональнай футбольнай кулууб чилиэнэ Мохов Вадим Николаевич, “Бастыҥ специалист-2021” Оконешникова Валентина Анатольевна,«Хомустаах 1-кы нэһилиэгэ» муниципальнай тэриллии сүрүннүүр специалиһа, «Бастыҥ ыал – 2021» Людмила Гаврильевна, Семен Васильевич Парниковтар дьиэ кэргэн.     

Нэһилиэк күнүн иккис чааһа Дойду үрдүнэн биллэриллибит норуоттар култуурунай нэһилиэстибэлэрин, Саха Республикатыгар  Ийэ сылын, Нам улууһугар государственнай, политическай деятель М.К. Аммосов төрөөбүтэ 125 сылын арыйар литературнай композиция5а уус – уран самодеятельность кыттыылаах фольклор, салайааччы  эр дьон Ийэ5э анаммыт хоһоонноро, оскуола үөрэнээччилэрэ  Махсыым Омуоһабы уруйдуур хоһоонноро көрөөччү кутун туттулар. 

Салгыы нэһилиэкпитигэр 2022 сыл- Үөрэхтээһин  сыла  арыллыытынан  театрализация  уонна үөрэх  эйгэтин үлэһиттэрэ, үөрэнээччилэрэ кыттыылаах -«Таптыыр түөлбэм Бастакы Хомустаах» э5эрдэ кэнсиэр ыытылынна.
Кэнсиэргэ биир дойдулаахпыт А.Окоемов аатынан «Мичээр»  үӊкүү ансаамбылын выпускницата Елена Винокурова күндү ыалдьыт буолла.          
Бу курдук  кыра саастаах о5отуттан  улахан дьонугар тиийэ үөрэ- көтө көрсөр бэлиэ күммүт бэрт тэрээһиннээхтик, өрө көтө5үллүүлээхтик ыытылынна.

Источник: algys1homustah.blogspot.com