Кулун тутар 31 күнүгэр Мэҥэ-Хаҥалас улууһун Майатыгар ыытыллыбыт 13-с республиканскай «Сааскы сирэйдэр» көр-күлүү бэстибээлигэр «Мэскэйдэр» бөлөх 8 буолан ситиһиилээхтик кыттан кэллибит.
Аркадий Новиков кэриэһигэр анаммыт күрэх саҥа тутуллубут Ходулов аатынан Культура дыбарыаһыгар үрдүк таһымнаахтык ыытылынна.
Быйылгы күрэх 2 түһүмэҕинэн ыытылынна.1-кы түһүмэх- кэтэхтэн үлэлэр көрүллэн, онтон кыайыылаахтар талыллан 2-с түһүмэххэ финалга күөн көрүстүлэр.
Онно биһиги бөлөхпүт талыллан түмүктүүр финалга киирсэн » Өһүллэ5эс уос» номинация хаһаайыттара буоламмыт үөрдүбүт-көттүбүт.
Бу күрэххэ араас улуустан 20 бастыҥ көр-күлүү бөлөҕө бэйэтин нүөмэрдэрин дьүүллүүр сүбэҕэ көрдөрдө.
Киэһээтин Майа олохтоохторугар Гала-кэнсиэр көрдөрдүбүт.
Түгэнинэн туһанан, бу айаммытыгар транспорынан көмөлөспүт нэһилиэкпит баһылыгар Жирков В.Г., кулууппут директорыгар Новгородова АН, суоппар Сивцев Н.И.барҕа махталбытын биллэрэбит.
Сарсыныгар муус устар 1 күнүгэр куоракка «Сэргэлээх уоттара» култуура киинигэр кыайыылаахтар кэнсиэрдэригэр кыттыыны ыллыбыт.
Ону таһынан, Үөһэ-Бүлүү улууһа ыыппыт кэтэхтэн » Күлбэкэ көрө» күрэҕэр кыттан 2-с истиэпэннээх лауреаттар аатын ылан үөрүүбүт үксээтэ.
Онон «Мэскэйдэр» бөлөх конкурстарга кыттан ситиһиилэннибит, нэһилиэкпит олохтоохторугар өссө да үөрүүнү- көтүүнү бэлэхтии туруохпут!
Бу ый 11 кунугэр улахан кэнсиэргэ кэлэргитин долгуйа куутэбит
