Рената Тимофеева хас эмэ сыл дьаныһан, дьарыктанан, сыралаһан туран, сахалыы остуол оонньуутун спордугар Нам улууһуттан оҕолорго бастакы Саха республикатын маастара буолла
Рената 1 Хомустаах оскуолатын 11-с кылааһын үөрэнээччитэ. «Сайдыы» оҕо айымньытын дьиэтигэр дьарыктаммыта.
Сахалыы остуол оонньуутун спордунан 3-с кылааска үөрэнэ сылдьан үлүһүйбүт. Бастакы тренерэ А.П. Ущницкай буолар. Онтон 2016 сылтан — А.Т. Тимофеева.
«Сахалыы остуол оонньуутун улуустааҕы күрэхтэһиилэригэр 40-чэ оҕо кыттар. Ол гынан баран, сатыыр эрээри кыайан тэриллэн кэлэн оонньооботтор эмиэ бааллар. Дьиҥэр, оҕо дьаныһан туран оонньуурун ситиһиэххэ сөп. Инвентарь да чэпчэки, эчэйиитэ да суох. Оҕону бу спорт көрүҥэр дьарыктыахха, интэриэһиргэтиэххэ эрэ наада», — диэн Нам улууһун сахалыы остуол оонньууларын федерациятын салайааччыта Маргарита Охлопкова санаатын үллэстэр.