16.08.202023.12.2020 by bafan View this post on Instagram Нам улууһун Бочуоттаах олохтооҕун, социалистическай куоталаһыы туйгунун, «Үлэ Кыһыл Знамята» уордьан кавалерын, Хомустаах Бастакы нэһилиэгин олохтооҕун ⠀ АРГУНОВ ДМИТРИЙ ТИМОФЕЕВИҺЫ ⠀ бу орто дойдуга төрөөн-үөскээн 85 сааскын томточчу туолбут кэрэ-бэлиэ кэрдиис кэмҥинэн улуус дьаһалтатын уонна тус бэйэм ааппыттан истиҥ иэйиилээх иһирэх эҕэрдэбин тиэрдэбин! ⠀ Эн тыа хаһаайыстыбатыгар, тыа сирин сайдыытыгар эҥкилэ суох араас сылларга үлэлээн-хамнаан улууһуҥ, республикаҥ сайдыытыгар дьоһун кылааккын киллэрбиккин, олох кыһалҕатын өйдүүр, тулуурдаах, сымнаҕас майгылаах киһи быһыытынан үрдүктүк сыаналыыбыт уонна махтанабыт! ⠀ Киэҥ-холку, чиэһинэй, хайа да ыарахантан чаҕыйбат, ыктарыылаах да кэмҥэ ыгылыйбат майгыҥ, тулалыыр дьоҥҥор-сэргэҕэр эйэ-дэмнээх дьиҥ чахчы доҕордуу сыһыаныҥ үтүө холобур буолар. ⠀ Эн, ханна да үлэлээтэргин, мэлдьи күүскүн-уоххун, сатабылгын барытын уураргын, үлэҥ-хамнаһыҥ ситиһиилээх буоларыгар мэлдьи туруулаһаргын үчүгэйдик билэбит. Чугас дьонуҥ, оҕолоруҥ, сиэннэриҥ, хос сиэннэриҥ истиҥ сыһыаннарынан кынаттанан өссө да уһун үйэлэн! ⠀ Ыарыы ыалласпатын, дьаҥ-дьаһах халты хаамтын, үтүө ыраҥ туолан, санаабытыҥ ситэн истин! ⠀ Юрий СЛЕПЦОВ, Нам улууһун баһылыга A post shared by Администрация МО Намский улус (@namsadm_official) on Aug 14, 2020 at 9:40pm PDT
