Күндүтүк саныыр Учууталбыт, коллегабыт Александр Николаевич Окоемов – Саха Республикатын культуратын Үтүөлээх Үлэһитэ, Туйгуна, Саха Республикатын үөрэҕириитин Туйгуна, Нам улууһун Ытык Киһитэ – ыам ыйын 23 күнүгэр төрөөбүтэ 60 сыла. Айылҕаттан ананан кэлбит айылгытын толорон, олорбут олоҕун бүтүннүүтүн оҕону иитиигэ, үҥкүү кэрэ эйгэтигэр уһуйууга анаабыта. Дьон – сэргэ кэрэхсиир, үйэлэргэ умнуллубат эриэккэс үҥкүүлэри айан, кэлэр көлүөнэҕэ халларбыта. Учууталбытын куруук саныыбыт, ахтабыт, кини сырдык аатын киэн тутта ааттыыбыт!
